ତାଳଚେର ୱାର୍କିଂ ଜର୍ଣ୍ଣାଲିଷ୍ଟ ଆସୋସିଏସନର ବାର୍ଷିକ ବନ୍ଧୁ ମିଳନ ଓ କର୍ମକର୍ତ୍ତା ଚୟନ କାର୍ଯ୍ୟକ୍ରମ ଅନୁଷ୍ଠିତ।

(କଳାହୀରା ଲାଇଭ) ତାଳଚେର ୱାର୍କିଂ ଜର୍ଣ୍ଣାଲିଷ୍ଟ ଆସୋସିଏସନର ବାର୍ଷିକ ବନ୍ଧୁ ମିଳନ ଏବଂ ନୂତନ କର୍ମକର୍ତ୍ତା ଚୟନ ସ୍ଥାନୀୟ ପଞ୍ଚାୟତ ସମିତି ସଭା ଗୃହ ଠାରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ସଂଘର ସମସ୍ତ କର୍ମକର୍ତ୍ତାଙ୍କ ଉପସ୍ଥିତିରେ ପ୍ରଥମେ ସଂଘର ପୂର୍ବତନ ସମ୍ପାଦକ ସୌଭାଗ୍ୟ ଚନ୍ଦ୍ର ନାୟକ ଆୟବ୍ୟୟର ବାର୍ଷିକ ବିବରଣୀ ପାଠ କରିଥିଲେ । ପରେ ନିୟମ ମୁତାବକ ପଦ ପଦବିରେ ଥିବା ପୁରୁଣା କର୍ମକର୍ତ୍ତା ମାନେ ନିଜ ନିଜ ପଦରୁ ଇସ୍ତଫା ଦେଇଥିଲେ । ପରେ ନୂତନ କର୍ମକର୍ତ୍ତା ଚୟନ ପାଇଁ ନିର୍ବାଚନ ପ୍ରକ୍ରିୟା ଆରମ୍ଭ ହୋଇଥିଲା । ନିର୍ବାଚନ ପ୍ରକ୍ରିୟାରେ ନିର୍ବାଚନ ଅଧିକାରୀ ଭାବେ ସଂଘର ସଦସ୍ୟ ଅଜୟ କୁମାର ନାୟକ ଏବଂ ମଣ୍ଟୁ ମହାନ୍ତିଙ୍କୁ ଦାୟିତ୍ଵ ଦିଆଯାଇଥିଲା । ସମସ୍ତ କାର୍ଯ୍ୟ କିଭଳି ଶାନ୍ତିଶୃଙ୍ଖଳାର ସହ ସମାପନ ହେବ ସେ ନେଇ ସଂଘର ବରିଷ୍ଠ ସଦସ୍ୟ ଧୀର ମୋହନ ରାୟଙ୍କୁ ସ୍ଵତନ୍ତ୍ର ଦାୟିତ୍ଵ ଦିଆଯାଇଥିଲା । ପରବର୍ତ୍ତୀ ସମୟରେ ନିର୍ବାଚନ ପ୍ରକ୍ରିୟା ଆରମ୍ଭ କରାଯାଇଥିବା ବେଳେ ସୁରୁଖୁରୁରେ ନିର୍ବାଚନ ହେବା ସହ ସର୍ବସମ୍ମତି କ୍ରମେ ନୂତନ ସଭାପତି ଭାବେ ମଦନ ମୋହନ ସାହୁ , ଉପ-ସଭାପତି ଭାବେ ଅଜୟ କୁମାର ନାୟକ , ସାଧାରଣ ସମ୍ପାଦକ ଭାବେ ସୌଭାଗ୍ୟ ଚନ୍ଦ୍ର ନାୟକ , ସହ ସମ୍ପାଦକ ଭାବେ ଦୁର୍ଗା ପ୍ରସାଦ ସ୍ୱାଇଁ , କାର୍ଯ୍ୟକାରୀ ସଭାପତି ଭାବେ ସଞ୍ଜୟ କୁମାର ଦଳେଇ ଏବଂ ଶୟଦ୍ ଯୁଲ୍ଫିକର ହୁସେନ , କୋଷାଧ୍ୟକ୍ଷ ଭାବେ ସୌମିତ୍ର ସେନାପତି , ଅଡିଟର ଭାବେ ବାପୁଜୀ ସାମଲ ଏବଂ ଉପଦେଷ୍ଟା ଭାବେ ଧୀର ମୋହନ ରାୟ ମନୋନୀତ ହୋଇଥିଲେ । ନୂତନ କର୍ମକର୍ତ୍ତା ଆଗାମୀ ଦିନରେ ସଂଘର ଉନ୍ନତି ପାଇଁ କେଉଁ ସବୁ ଆଭିମୁଖ୍ୟ ଗ୍ରହଣ କରିବେ ସେ ନେଇ ଆଲୋଚନା ହୋଇଥିଲା । ଆଗାମୀ ଦିନରେ ସଂଘକୁ ଆହୁରି ଅଧିକ ସୁଦୃଢ଼ କରିବା ପାଇଁ ଆଉ କିଛି ସଦସ୍ୟଙ୍କୁ ସଂଘରେ ଗ୍ରହଣ କରିବା ନେଇ ନିଷ୍ପତି ହୋଇଥିଲା। ସମସ୍ତ କାର୍ଯ୍ୟରେ ସଂଘର ସଦସ୍ୟ ବାସୁଦେବ ପ୍ରଧାନ, ମନିଲ ମହାରଣା , ମଣ୍ଟୁ ମହାନ୍ତି , ନିରଞ୍ଜନ ସାମଲ , ରୁଦ୍ର ମୋହନ ଗଡ଼ନାୟକ , ନରୋତ୍ତମ ସାହୁ , ଶିଶିର କୁମାର ସାମଲ , ରାଉତରାୟ ନାଏକ , ରବୀନ୍ଦ୍ର ମହାରଣା , ଦେବ ରଞ୍ଜନ ସାମଲ ପ୍ରମୁଖ ଉପସ୍ଥିତ ରହି ବିଶେଷ ସହଯୋଗ କରିଥିଲେ ।